yeh baat adhoori rehnay do ...

mat poocho dil main kya rakha hai
mat poocho honton peh kya tehra hai
mat poocho ankhon ki boli ko
mat poocho
mat poocho
rehney do

sab kuch keh dainey say
har ankahi sun lainey say
aksar aisa bhi hota hai
jo ho zeyr-e-lab khul jaat hai
jo dil main ho mil jaata hai

dil ki kuch baatein lekin
honton tak na aaeyn to acha hai

kal subha honay tak
yeh shaam adhoori rehney do
yeh baat adhoori rehney do

kaun jaaney ...

kab kuch kehnay, sunnay say
koi dil ki hasrat poori ho jaey
jo hum main tum main uljhan hai
woh kaheen kho jaey

yeh uljhan humko pyari hai
dil main yeh baat hamari hai

kuch batein dil ki dil main rehney do

kal subha honay tak
yeh shaam adhoori rehney do
yeh baat adhoori rehney do